فضفضه

( حلوة دى) ههههههههه

بما اننا اسرة واحدة وكل حد منا يهمة التانى وداخل منظومة واحدة

يبقى اكيد دة بيفرض علينا افعال تجاة بعضنا البعض

وعلشان كدة ان يهمنى ان اى عضو ما اخر اليوم يلاقى حالة بالة مرتاح ومطمن بدون مشاحنات او تخبطات

فيعنى فكرت وجانى فكرة نعمل حاجة زى المصفاة ( ما تستغربوش)

يعنى الا متضايق من حاجة يقول او من حد او متضايق وعايز يفش خلقة الا ملوش مزاج يتكلم مع حد الا داخل المنتدى ومالوش نفس يكتب كلمة ومش عاجبةو لا قسم يجى لهنا يقول بقا الا يقولة او وانتا فى البيت او الشغل او مع اصحابك او على القهوة وحصلك اى حاجة او حتى يكلم نفسة يعنى كل حد يتخيل بيكتب مدونة صغيرة او واقف ادام مرايا

هنسبها مفتوحة الا حابب يقول حاجة يقولها والا مش عايز يقول حاجة يقول برضوا اية الحاجة الا مش عايز يقولها

سورى لو حد شافة تطفل بس دة مش القصد خالص دة بس نوع من الدردشةو تبادل الافكار والخواطر وازاحة المشاكل والمشاغل وتصفية العقل والدماغ من كل المشاحنات

وباخر كلامى بحبكم كتير ودايما موفقين وباحسن حال على كلا المستويين